Enero 30, 2003

MEMORANDUM NO. ERR-03-017

PARA: UP Diliman Community
PAKSA: UP Diliman Month 2003
______________________________________________ 

Parating na naman ang Pebrero---ang taunang pagdiriwang natin ng UP
 Diliman Month.  Ang tema ng ating selebrasyon ay Pamilya: Sibol ng Dunong
 at Asal.  Kalakip dito ang programa na kinapapalooban ng sari-saring
 kaganapan na inihanda ng iba't ibang sektor sa ating Unibersidad.

Natitiyak kong magkakasama tayo sa pagpapahalaga sa buwan na ito sapagka't
 ang mga college weeks, festivals, exhibits, concerts, at symposia ay
 magbibigay buhay sa malawak at malalim na karunugan ng ating komunidad sa
 kultura, sining, at siyensiya.  Isang linggo rin ang ating gugugulin sa
 pagbibigay ng mga parangal at papuri (Ang Gawad Chanselor) sa mga
 natatanging guro, mananaliksik, administrador, lider estudyante, at iba pa.

Ang aking opisina, kasama ng Office for Initiatives in Culture and the Arts
 (OICA) ay umaasa sa inyong kusang-loob at mainit na pagtangkilik sa mga
 kaganapan sa UP Diliman Month 2003.

Maraming salamat.

EMERLINDA R. ROMAN
Chanselor